“Yuventus” yarim himoyachisi Federiko Bernardeski faoliyatini “Milan”, “Napoli” va “Inter”da davom ettirishi mumkin.

Futbolchining "Yuventus" bilan shartnomasi yozda tugaydi va Turin klubi uni uzaytirish borasida muzokaralar olib bormayapti.

Bernardeskining o‘zi kelasi mavsumda Chempionlar ligasida o‘ynashni xohlashini aytdi, deb xabar beradi La Gazzetta dello Sport. 

Ayni paytda futbolchiga milanliklarning hech biri qiziqish bildirmayapti. Oldinroq "Napoli" futbolchini o‘z safiga qo‘shib olmoqchi ekanligi haqida ma’lumotlar paydo bo‘lgandi, ammo klub yarim himoyachining juda yuqori maosh talab qilgani sabab ikkinchi taklifni bildirgani yo‘q.

Joriy mavsumda futbolchi A seriyada 28 ta o‘yinda maydonga tushib, 1 ta gol urdi va 2 ta golli uzatmani amalga oshirdi.