Ёзда "Бавария"га ўтган "Аякс" ҳимоячиси Нуссер Мазрауи ўзининг трансфери ҳақида гапирди.
"Бавария" мени ўз сафига қўшиб олмоқчи эканини эшитганимда, юрагим орзиқиб кетгандек бўлди. Мен бошиданоқ бу клуб менинг орзуим эканлигини аниқ билардим”, — деди футболчи.
Эслатиб ўтамиз, Мазрауи Мюнхен грандига 1 июль куни эркин агент сифатида қўшилади. Шартнома 2026 йилгача мўлжалланган.
Жорий мавсумда 24 ёшли марокашлик футболчи Голландия клуби сафида барча турнирлар доирасида 34 та ўйинда майдонга тушиб, 5 та гол ва 4 та голли узатмани амалга оширди. Трансфермаркт сайти уни 20 миллион еврога баҳоламоқда.
