"Барселона" бош мураббийи Хави клубнинг "Бавария" ҳужумчиси Роберт Левандовскига қизиқиши ҳақида фикр билдирди.
Аввалроқ, футболчининг ўзи Мюнхен клубини тарк этмоқчи эканлигини тасдиқлаганди. Шу билан бирга, "Бавария" раҳбарлари унинг шартномасини охиригача якунлашини таъкидламоқда.
Полшалик ҳужумчи ва мюнхенликлар ўртасидаги келишув 2023 йилнинг ёзида якунига этади.
"Левандовски? Бу вариантлардан бири, имкониятлардан бири. Ҳозирда музокаралар олиб борилмоқда. Унинг шартномаси тугашига яна бир йил қолди. Бу осон бўлмайди.
Бизнинг молиявий аҳволимиз? Лапорта менга таркибни кучайтиришимиз мумкинлигини айтди. Имкониятларимизга ишонч бор", - дея Хавининг сўзларини келтиради журналист Фабрицио Романо.
Аввалроқ польшалик ҳужумчи "Барселона" билан шартнома борасида келишиб олгани ҳақида хабар берилганди.
