"Barselona" bosh murabbiyi Xavi klubning "Bavariya" hujumchisi Robert Levandovskiga qiziqishi haqida fikr bildirdi.

Avvalroq, futbolchining o‘zi Myunxen klubini tark etmoqchi ekanligini tasdiqlagandi. Shu bilan birga, "Bavariya" rahbarlari uning shartnomasini oxirigacha yakunlashini ta’kidlamoqda.

Polshalik hujumchi va myunxenliklar o‘rtasidagi kelishuv 2023 yilning yozida yakuniga etadi.

"Levandovski? Bu variantlardan biri, imkoniyatlardan biri. Hozirda muzokaralar olib borilmoqda. Uning shartnomasi tugashiga yana bir yil qoldi. Bu oson bo‘lmaydi.

Bizning moliyaviy ahvolimiz? Laporta menga tarkibni kuchaytirishimiz mumkinligini aytdi. Imkoniyatlarimizga ishonch bor", - deya Xavining so‘zlarini keltiradi jurnalist Fabrisio Romano.

Avvalroq polshalik hujumchi "Barselona" bilan shartnoma borasida kelishib olgani haqida xabar berilgandi.