«ПСЖ» бош мураббийи Маурисио Почеттино ҳужумчи Килиан Мбаппенинг жамоада қолиш қарори ҳақида гапирди.
«Унинг танлови мени ҳайратда қолдирмади. Мутлақо ҳамма, шу жумладан мен ҳам унинг қарорини эълон қилинишидан ярим соат олдин билиб қолдик.
Албатта, Килианнинг рад жавоби «Реал» учун катта умидсизлик бўлди. Лекин бу футбол», — дейди Почеттино.
Эслатиб ўтамиз, сўнгги ойларда Мбаппенинг «Реал»га ўтиши бўйича фаол музокаралар олиб борилган, аммо якунда ҳужумчи «ПСЖ» билан янги шартномани имзолашга қарор қилганди. Форварднинг шартномаси 2025 йилнинг ўрталарига қадар мўлжалланган.
