Кеча Қарши шаҳрида бўлиб ўтган Олий лига 9-тури доирасида "Насаф" - "Навбаҳор" ўйиндан кейинги мураббийлар фикрлари билан танишинг.

Рўзиқул Бердиев: Умуман олганда мен бугун футболчиларимиздан қониқмадим. Ўйиндан олдин рақиб услубини ўрганган эдик, аммо натижа бўлмади, хотиржамликка берилмадик дея олмайман, бизга ўйинни ўз қўлига оладиган футболчи етишмади. Кўплаб футболчиларимиз хатоларга йўл қўйишди. “Навбаҳор” стандартларда анча совуққон эканлигини билар эдик. Асосийси бундан фожеа ясаш керак эмас, ҳаммаси олдинда. Лидер етишмади бизга, лидер! Бу бизнинг руҳимизга таъсир этмайди, олдимизда ҳали йўл бор.Жамоамиз ҳар уч кунда бир ўйин ўтказмоқда, чарчоқ эмоцияларга бориб тақалмоқда. Кўплаб футболчиларимиз чарчашган. Етакчи ҳимоячилармиз ҳам жуда толиқишган. Ҳозирда психологлар ҳеч қандай жамоада йўқ. Агар психологлар ҳамма муаммони ҳал этиб берганда эди, ҳамма ўшанга ёпишар эди. Биз бунга эҳтиёж сезмаяпмиз.

Мустафо Байрамов: Шогирдларимга раҳмат. Улар иккинчи бўлимни яхши ўтказишди. Ҳакамларни ўз ишларини яхши адо этишди, уларни ишларини текширадиган назоратчилар бор. “Насаф” яхши жамоа, улар 3 йилдан бери бир таркибда ўйнашмоқда. Бундай рақибдан очко олиш биз учун фахр деб бемалол айта оламан. Артурос Фоменко яхши савиядаги ўйинчи, у ўйинни кучайтира олди.

Дадажон Маматқулов тайёрлади

Манба: www.voha.uz