“Пахтакор” ҳамда “Қизилқум” учрашуви якунига етганидан сўнг, “Жар” стадионида иккала жамоа бош мураббийлари иштирокида матбуот анжумани бўлиб ўтди. Дастлаб, журналистларининг саволларига тошкентликлар бош мураббийи Деян Журжевич жавоб берди.

Деян Журжевич: — Мен бугун ҳисобдан ва жамоамнинг ўйнидан қониқдим. Афсуски, биз ОЧЛдаги юришимизни  тўхтатдик ва бор эътиборимизни миллий чемпонат баҳсларига қаратмоқдамиз. “Банияс” билан ўйиндан кейин жамоам анча ўзига келиб қолди. Мен олдин ҳам айтганам, хозир ҳам айтаман: Биз яхши футбол намоиш эта оламиз.

Масалан, “Банияс”га қарши қандай ўйин кўрсатган бўлсак. бугун ҳам шундай ўйнадик. Айтганимдай, жамоам келажакда бунданда яхшироқ ўйнайди ва ўйнимизда ўсиш бўлади. Мухлислар эса бугун майдонда бир қанча ёш футболчиларимизни кўришди, бу уларни хурсанд қилди деб ўйлайман. Ёшларими анча иқтидорли. Менимча, ёшларимиз бунданда ўсишлари учун, яна ҳам яхши меҳнат қилишлари керак. Ўйлайманки, бугун мухлислар кутганидай чиройли ўйин кўрсатдик. Энди эса бугунги ўйинни унутиб бор эътиборимизни кейинги баҳсларга қаратамиз.

- Жамоангиз нимага “Бунёдкор”, “Насаф” ёки “Нефтчи”га қарши бугунгидай ўйин кўрсатмайди?
- Биз қачонки, кучли жамоаларга қарши ўйин ўтказсак, биз ўша ўйинлар ҳақида ўйлаймиз ва шунга қараб тактика танлаймиз. Тўғри, кучли жамоаларга қарши ўйинлар бироз қийинроқ кечади. Менимча, ҳамма нарса ҳақида вақтида қарор чиқариш керак.  “Бунёдкор” ёки “Насаф”га қарши қандай ўйин кўрсатишмизни ўйиндан аввал кўриб чиқамиз. Биз “Бунёдкор”га қарши ўйнаймизми ёки бошқа жамоага қаршими, ҳаммаси менинг услубим асосида бўлади. Ва биз рақиб ҳақида эмас ўзимизнинг ўйнимиз ҳақида бош қотирамиз. Ўзимиз ўйлаган ўйинни кўрсатишга харакат қиламиз. Чемпионтда ютқазмай келяпмиз, бу албатта яхши натижа. Яна бир бор бугунги натижа билан шогирдларимни табриклайман. Бу ўйиндан кейин уларни рағбатлантиши учун эртага ичишга борадиган бўлсак, ҳаққини мен тўлайман. Лекин у пиво бўлмайди. Майли ҳамма учун битта пиво бўлақосин (кулади).