Италиянинг “Монца” клуби президенти Адриано Галлиани жамоасини А серияга йўл олиши ҳақида фикр билдирди. Аввалроқ клуб хўжайини ҳисобланган Сильвио Берлускони жамоасининг миллий чемпионатдаги ғалабасига умид қилишини айтганди.
“Кейинги мавсум А Серияда “Монца” – “Милан” ўйини ҳақида ўйлаш ақл бовар қилмайдиган орзу. Ўғлим мендан “Милан”ни эмас, “Интер”ни мағлуб этишимизни сўради, аммо бу бошқа мавзу”, - деди Галлиани.
Адриано Галлиани ва Сильвио Берлускони "Милан" билан боғланган. Галлиани клуб президенти бўлган, Берлускони эса "россонерлар" хўжайини эди.