Лодоннинг "Челси" клуби ҳужумчиси Дидье Дрогба, ёзда жамоани тарк этишини расман тасдиқлади.
"Челси"ни тарк этаман. Бу қарорга келиш мен учун оғир бўлди. Аммо, энди ортга йўл йўқ. Бу ҳақда жамоадош дўстларимга айтмоқчи эдим. Аммо улар бу ҳақда гапирмаслигимни илтимос қилишди."
"Мен аслида, уч йил олдин клубни тарк этишни мўлжаллаган эдим. Аммо ҳар сафар, кетишга қийналган эдим", дейди ивуарлик ҳужумчи.
"Ўзимни заҳира ўриндиғида ўтиришга тайёрман деб ҳисобламайман. Қолаверса, заҳира ўриндиғида ўтириб, янгитдан шаклланаётган жамоани кузатиш менга оғир бўлади. Энди нима бўлса бўлди. Келажагим ҳақида ҳеч нима дея олмайман. Чунки ўзимни қаерда, қандай ўйнашимни тасаввур ҳам қила олмайман. Мени қўллаб-қувватлаб келган, ютуқ ва мағлубиятларда мен билан доимо бирга бўлган жамоадошларимни, яқинларимга ташаккур.". дея Дрогбанинг сўзларидан парча келтирмоқда Sky Sports.
