"Интер" "Ювентус" ярим ҳимоячиси Федерико Бернардескини сотиб олиши мумкин, дея хабар беради La Gazette Dello Sport.
Қайд этилишича, Милан шаҳри клуби "Тоттенхэм"га ўтиши мумкин бўлган ярим ҳимоячи Иван Перишичга ўринбосар қидирмоқда.
Италия терма жамоаси футболчиси билан шартнома имзолаш варианти "нерадзуррилар" учун идеал вариант сифатида қаралмоқда, чунки Бернардескининг "Ювентус" билан шартномаси шу йилнинг июнь ойида якунига етади.
Манбанинг хабарига кўра, 28 ёшли ярим ҳимоячининг трансфери муваффақиятсизликка учраган тақдирда "Интер" "Эмполи" ҳимоячиси Фабиано Паризини қўлга киритишга ҳаракат қилади.
Жорий мавсумда 21 ёшли футболчи клуб сафида 25 та ўйинда майдонга тушиб, 1 та голли узатмага муаллифлик қилган.
Бернардески жорий мавсумда “Ювентус” сафида 36 та ўйинда майдонга тушиб, 2 та гол урди ва 6 та голли узатмани амалга оширди.
