"Рома" ярим ҳимоячиси Николо Дзаньоло Аргентинага қарши Финалиссима ўйинида Италия терма жамоасига ёрдам бермайди.

Бош мураббийи Роберто Манчини ўйин арафасида футболчини баҳсда қатнашмагаслигини айтиб ўтди. Шу сабабли Италия ОАВлари футболчининг оиласида муаммолар борлиги ҳақида ёзишни бошлади. Аммо орадан бироз вақт ўтгач, футболчининг ўзи ижтимоий тармоқларда тўпиғидан олган жароҳати сабаб майдонга тушмаслигини ёзди.

Италия - Аргентина учрашуви Англиядаги "Уэмбли" стадионида бўлиб ўтади. Эслатиб ўтамиз, бу Европа ва Жанубий Америка чемпионати ғолиблари ўртасидаги баҳс футбол тарихидаги илк ўйиндир.

Учрашувда Пьеро Мас бошчилигидаги чилилик ҳакамлар бригадаси ишлайди.