"Манчестер Сити" хўжайини Халдунь Аль Муборак Дортмунднинг "Боруссия" клуби ҳужумчиси Эрлин Холанднинг трансфери тафсилотларини ошкор қилди.
“Биз Эрлингни Норвегиядаги биринчи кунларидан бошлаб Дортмундга кўчиб ўтгунча 4-5 йил кузатиб бордик. Биз унинг йиллар давомида ўсиб бораётганини кўрдик ва у жуда иқтидорли, юқори малакали ёш футболчидан дунёнинг энг зўр ҳужумчиларидан бирига айланганини кўрдик.
Ҳар бир йирик клуб уни сотиб олмоқчи эди ва Холанд бизга қўшилганидан хурсандман. Клуб учун бу мукаммал ечим. Бизга ажойиб хотиралар қолдирадиган ҳақиқатдан ҳам феноменал ўйинчига эришмоқдамиз", - деди клуб раҳбари.
21 ёшли норвегиялик футболчи жорий мавсумда 29 ўйинда 28 та гол урди ва 7 та голли узатмани амалга оширди.
