"Manchester Siti" xo‘jayini Xaldun Al Muborak Dortmundning "Borussiya" klubi hujumchisi Erlin Xolandning transferi tafsilotlarini oshkor qildi.
“Biz Erlingni Norvegiyadagi birinchi kunlaridan boshlab Dortmundga ko‘chib o‘tguncha 4-5 yil kuzatib bordik. Biz uning yillar davomida o‘sib borayotganini ko‘rdik va u juda iqtidorli, yuqori malakali yosh futbolchidan dunyoning eng zo‘r hujumchilaridan biriga aylanganini ko‘rdik.
Har bir yirik klub uni sotib olmoqchi edi va Xoland bizga qo‘shilganidan xursandman. Klub uchun bu mukammal yechim. Bizga ajoyib xotiralar qoldiradigan haqiqatdan ham fenomenal o‘yinchiga erishmoqdamiz", - dedi klub rahbari.
21 yoshli norvegiyalik futbolchi joriy mavsumda 29 o‘yinda 28 ta gol urdi va 7 ta golli uzatmani amalga oshirdi.
