"Бавария" бош мураббийи Юлиан Нагельсманн Мюнхен клубидан "Ливерпуль"нинг сенегаллик ҳужумчиси Садио Мане билан шартнома имзолашини истамоқда, деб ёзди журналист Флориан Плеттенберг.
Манба берган хабарга кўра, немис клуби устози сенегалликни "тўққизлик" ёки бироз пастроқ позицияда қўллаш ниятида. Мураббийга нафақат футболчи сифатида ўйнаш, балки немис тилини билиш ҳам ёқади. Аввалроқ, "Бавария" Мане учун 30 миллион евро тўлашга тайёрлиги ҳақида хабар берилганди.
30 ёшли Садио жорий мавсумда “Ливерпуль” сафида барча турнирлар доирасида 51 та ўйинда майдонга тушиб, 23 та гол урди ва 5 та голли узатмани амалга оширди. Унинг клуб билан шартномаси 2023 йилнинг ёзига қадар мўлжалланган.
