Ўзбекистон футбол федерацияси раҳбарияти ФИФАнинг 62-Конгрессида иштирок этиш учун бугун Тошкентдан Венгрия пойтахтига жўнаб кетган, - дея хабар тарқатмоқда ЎФФ расмий твиттери.
Будапешт шаҳрида ўтказиладиган ФИФА 62-Конгрессида ЎФФ президенти Мираброр Усмонов, федерация бош котиби Сардор Раҳматуллаевлар қатнашади.
Конгресс - ФИФАнинг халқаро органи бўлиб, унга аъзо миллий футбол федерациялари раҳбарлари 1904 йилдан 1932 йилгача ҳар йили, 1932-1938, 1946-2004 йиллар оралиғида ҳар 2 йилда, 2004 йилдан буён эса яна ҳар йили йиғиладилар.
ЎФФ президенти Мираброр Усмонов ФИФА Конгрессида ушбу халқаро ташкилот мутасаддилари ҳамда ОФК Президенти вазифасини бажарувчи Чжанг Цзилонг билан учрашади.
