"Рома" ярим ҳимоячиси Генрих Мхитарян ёзда жамоани текинга тарк этади. Sky Sport Italia нашри маълумотларига кўра, Рим клуби раҳбарияти бугун арманистонлик ярим ҳимоячининг вакилларига ўз таклифини яхшиламоқчи эмаслигини маълум қилди.
Шу тариқа, Миланнинг “Интер” клуби Мхитарян трансфери учун асосий фаворитга айланди. “Нерадзуррилар” ярим ҳимоячига “Рома”га қараганда 500 минг евро кўпроқ маош беришга тайёр.
Жорий мавсумда Мхитарян Италия чемпионатида 5 та гол урди ва 6 та голли узатмани амалга оширди. Арманистонлик футболчи 2019 йилнинг ёзида Лондоннинг “Арсенал” клубидан “Рома”га ўтган эди.
