"Roma" yarim himoyachisi Genrix Mxitaryan yozda jamoani tekinga tark etadi. Sky Sport Italia nashri ma’lumotlariga ko‘ra, Rim klubi rahbariyati bugun armanistonlik yarim himoyachining vakillariga o‘z taklifini yaxshilamoqchi emasligini ma’lum qildi.

Shu tariqa, Milanning “Inter” klubi Mxitaryan transferi uchun asosiy favoritga aylandi. “Neradzurrilar” yarim himoyachiga “Roma”ga qaraganda 500 ming yevro ko‘proq maosh berishga tayyor.

Joriy mavsumda Mxitaryan Italiya chempionatida 5 ta gol urdi va 6 ta golli uzatmani amalga oshirdi. Armanistonlik futbolchi 2019 yilning yozida Londonning “Arsenal” klubidan “Roma”ga o‘tgan edi.