Мадриднинг “Реал” клуби ҳимоячиси Марсело “Қироллик клуби”ни тарк этиб, Бразилияга қайтмаслигини айтди.
"Мен Чемпионлар лигасида ўйнаш учун ҳали керакли даражага эга эканлигимга ишонаман. Чемпионлар лигасида юқори савияда ўйнашни давом эттиришим учун яна бир неча йил бор. Бу ҳақиқатан ҳам ажойиб турнир.
Мен ёлғон гапирмайман. “Ботафого” ёки “Флуминенсе”га бораман, дейишаётганини кўп кўраман. Сизга аниқ айтаман ҳозир Бразилияга қайтиш ниятим йўқ. Энди менга керак бўлган нарса ташвишсиз ва телефонга тегмасдан 10 кунлик таътил", - дея футболчининг сўзларини келтиради O Dia.
34 ёшли бразилиялик футболчи 2007 йилдан бери "Реал" сафида ўйнайди. Унинг клуб билан шартномаси 2022 йилнинг июнида якунига етади.
Марсело “Реал” сафида 545 та ўйинда майдонга тушиб, 38 та гол ва 103 та голли узатмага муаллифлик қилган.
