Madridning “Real” klubi himoyachisi Marselo “Qirollik klubi”ni tark etib, Braziliyaga qaytmasligini aytdi.

"Men Chempionlar ligasida o‘ynash uchun hali kerakli darajaga ega ekanligimga ishonaman. Chempionlar ligasida yuqori saviyada o‘ynashni davom ettirishim uchun yana bir necha yil bor. Bu haqiqatan ham ajoyib turnir.

Men yolg‘on gapirmayman. “Botafogo” yoki “Fluminense”ga boraman, deyishayotganini ko‘p ko‘raman. Sizga aniq aytaman hozir Braziliyaga qaytish niyatim yo‘q. Endi menga kerak bo‘lgan narsa tashvishsiz va telefonga tegmasdan 10 kunlik ta’til", - deya futbolchining so‘zlarini keltiradi O Dia.

34 yoshli braziliyalik futbolchi 2007 yildan beri "Real" safida o‘ynaydi. Uning klub bilan shartnomasi 2022 yilning iyunida yakuniga yetadi.

Marselo “Real” safida 545 ta o‘yinda maydonga tushib, 38 ta gol va 103 ta golli uzatmaga mualliflik qilgan.