"Интер" бош директори Жузеппе Маротта хорватиялик 33 ёшли вингер Иван Перишичнинг Лондоннинг "Тоттенхэм" клубига текинга ўтиши ҳақида гапирди.
“Албатта, бундай футболчини йўқотганимиздан жуда афсусдамиз, лекин у ўзини Англия Премьер-лигасида синаб кўрмоқчи эди. Биз унга яхшироқ шартлар асосида шартнома таклиф қила олмадик. Унинг танлови, содда қилиб айтганда, бутунлай бошқа мотивацияга асосланган эди. Биз унинг танловига ҳурмат билан қараймиз ва “Интер” муваффақиятига қўшган ҳиссаси учун катта миннатдорчилик билдирамиз.
Жамоамизда унинг ўрнини тўлдириши мумкин бўлган Робин Госенс бор", - дея Мароттанинг сўзларини келтиради Football Italia.
