Мадрид мухторияти раҳбари Эсперанса Агирренинг айтишича, мамлакат гимни қўйилган пайтда ишқибозлар ҳуштак чалса - Испания кубоги финали тўхтатилади.
- Байроқ ва гимнга ҳурматсизлик - жиноят ҳисобланади, бу ҳақда Жиноят Кодексида ёзилган. Шунинг учун, агар шунда воқеа содир этилса, ўйин тўхтатилиб, ёпиқ эшиклар ортида ўтади. Агар ишқибозлардан кимдир, бунақалар оз бўлсада бор, биламан, вазиятни ёмонлаштиришга уринса - ўйинни тўхтатишга тўғри келади, - дейди Агирре хоним "Marca" газетасига берган интервбюсида.
Эслатиш жоиз, финалда "Барселона" ва "Бильбаонинг "Атлетик" жамоалари учрашадилар. Ўйин 25 май куни Мадриддаги "Висенте Кальдерон" стадионида бўлиб ўтади.
Уч йил олдин ҳам финалда худди шу жамоалар тўқнаш келганди ва радикал кайфиятдаги ишқибозлар Испания гимнига ҳурматсизлик қилгандилар.
