Англия терма жамоасининг собиқ футболчиси, ҳозирда футбол эксперти Гари Линекер Финалиссима учрашувида Аргентинанинг Италия устидан қозонган ғалабаси ҳақида ўз фикрлари билан ўртоқлашди. “Альбиселесте” рақибини 3:0 ҳисобида мағлуб этди.
"Месси бошчилигидаги Аргентина яна бир турнирда ғалаба қозонди. Финалиссимада италияликларни мағлуб этишди. Даҳодан иккита ажойиб ассистент", - деб ёзган Линекер ижтимоий тармоқда.
Эслатиб ўтамиз, 34 ёшли ҳужумчи фаолиятидаги 40-совринни қўлга киритди. Бу кўрсаткич бўйича Месси 39 совринга эга "Барселона" ва Испания терма жамоасининг собиқ ярим ҳимоячиси Андрес Иньестани ортда қолдирди.