Испаниянинг “Севилья” клуби марказий ҳимоячиси Диего Карлос фаолиятини Англия премьер-лигасида давом эттиради. Стивен Жеррард бош мураббийлигидаги “Астон Вилла” клуби футболчининг янги клубига айланди.
Клуб расмий сайти хабарига кўра, футболчи билан 2026 йилнинг ўрталаригача ҳисобланган узоқ муддатли меҳнат шартномаси имзоланган. Битим суммаси эълон қилинмаган, аммо норасмий маълумотларга кўра, Карлоснинг трансфери 31 миллион еврога тушган.
2021/2022 йилги мавсумда ҳимоячи Испания чемпионатининг 34 та учрашувида қатнашиб, 3 та гол уришга эришди.
