Германиянинг энг обрўли ншрларидан бири хисобланган Kicker нашри Бундеслигада тўп сураётган футболчилар ва жамоа мураббийлари ўртасида анаъанвий сўровнома ўтиказди. Ушбу сўровнома якунларига кўра, йилнинг энг яхши футболчиси, дарвозабони ва мураббийи аниқланди.

Эътборли жиҳати шундаки, барча уч номинацияда Мехенгладбахнинг "Боруссия" клуби аъзолари ғолиб бўлишди.

Менхенгладбахнинг "Боруссия" клуби ярим ҳимоячиси Марко Ройс 24.5% овоз тўплаган ҳолда Бундеслиганинг сўнгги мавсумининг энг яхши футболчиси деб топилди. Бошқа бир "Боруссия", малакат чемпионлари ҳисобланган дортмундликлар ярим ҳимоячиси Синдзи Кагава 17.1% билан иккинчи ўриннии қўлга киритган бўлса, "Бавария" ярим ҳимоячиси Франк Рибери учинчи ўринда қайд этилди.

Бундеслиганинг энг яхши дарвозабони сифатида эса, Марко Ройснинг жамоадоши Марк-Андре тер Стеген эътироф этилди. "Боруссия" дарвозабони 27.6 % овоз тўплаб, "Бавария" дарвозабони Мануэль Нойерни (26.9) ортда қолдирди.

Бундеслиганинг сўнгги мавсумининг энг яхши мураббийи деб, "Боруссия" Менхенгладбах клуби бош мураббийи Люсьен Фавр эътироф этилди. Ушбу номинацияда, менхенгладбахликлар устози катта фарқ билан ўз рақобатчилари, "Фрайбург" бош мураббийи Кристиан Штрайх, ҳамда кетма-кет иккинчи маротаба Дортумнднинг "Боруссия"сини чемпионлик сари бошлаб борган Юрген Клопларни ортда қолдирди.