Испаниянинг "Барселона" клуби ҳужумчиси Педро Родригес, ОАВ орқали қилган чиқишида, "Барса" собиқ бош мураббийи Хосеп Гвардиола ҳақида илиқ фикрларини билдириб ўтди.
"Ҳар мавсум жуда узун ва оғир кечади. Одамлар бундан чарчайди. Шунинг учун, ҳам Гвардиола дам олиши керак. Унинг қарорини тушунгангдек бўлаяпман", дейди Педро.
"Умуман олганда, Гвардиола менинг фаолиятимни бутунлай ўзгартириб юборганини таъкидламоқчи эдим. Барча қўлга киритган совринларимда, ютуқларимда биринчи навбатда унинг ҳиссаси бор, ундан бутун умр қарздорман".
"Унинг ўрнига Тито Виланованинг бош мураббий бўлиши мени ҳурсанд қилди. Виланова ҳам Гвардиола танлаган йўлдан боради, "Барселона" эса ўз ўйин фалсафасидан чекинмайди деб ўйлайман", дейди ҳужумчи AS нашрига берган интервьюсида.