"Тоттенхэм" ҳужумчиси Сон Хён Мин Премьер-лигада "Олтин бутса"ни қўлга киритган биринчи осиёлик футболчи бўлганидан сўнг Кореянинг энг юқори спорт мукофотига сазовор бўлди, деб хабар беради Sky Sports.
29 ёшли футболчи Корея терма жамоасининг Сеул стадионида Бразилияга қарши ўтказадиган ўртоқлик ўйини олдидан президент Юн Сеок Йолдан Cheongnyong медалини олди.
Аввалги медаллар совриндорлари орасида фигурали учиш бўйича икки карра Олимпия чемпиони Ким Йонг А ва голфчи Парк Сери бор эди.
Сон Хён Мин ва “Ливерпул” ҳужумчиси Муҳаммад Салоҳ Англия Премьер-лигасининг мавсум якунида энг яхши тўпурарига бериладиган “Олтин бутса”ни қўлга киритишди. Ҳар икки футболчи ҳисобида 23 тадан гол бор.
