Мадриднинг “Реал” клуби ёзда ҳимоячи Ферлан Мендининг трансфери бўйича таклифларни тинглашга тайёр. Испания клуби ёзги трансфер ойнасида 26 ёшли франциялик футболчи билан хайрлашишни истамоқда, деб хабар беради Sport.es.
Мендининг "қаймоқранглилар" билан амалдаги шартномаси 2025 йилнинг ёзига қадар тузилган. Transfermarkt портали ҳимоячининг нархини 40 миллион еврога баҳоламоқда.
Менди ўтган мавсумда барча мусобақаларда 35 та ўйинда майдонга тушди. Унинг ҳисобида 2 та гол ва 2 та голли узатма бор.
Эслатиб ўтамиз, ҳимоячи 2019 йилда "Лион"дан "Реал"га ўтганди. Шартнома деярли 50 миллион еврога баҳоланган.
