Дания терма жамоаси ярим ҳимоячиси Миккель Дамсгор Миллатлар лигаси доирасидаги Франция устидан қозонилган ғалаба (2:1) ҳақида фикр билдирди.
“Дунёнинг энг яхши жамоаларидан бирига қарши майдонга тушиб, ғалаба қозонганимиз ақл бовар қилмайдиган ҳолат. Айниқса, меҳмонда. Йигитларни бирга кўриш жуда ёқимли эди. Эриксен билан ўйнаш ажойиб бўлди ва умид қиламанки, биз тез-тез бирга ўйнаймиз", - дея Дамсгор сўзларини келтиради УЕФА матбуот хизмати.
Кейинги ўйинда Франция Хорватия, Дания эса Австрия билан куч синашади. Учрашувлар 6 июнь куни бўлиб ўтади.
