Бельгия терма жамоаси Миллатлар лигаси гуруҳ босқичи ўйинида Нидерландияга имкониятни бой берди (1:4). Ўйин Брюсселдаги "Кинг Бодуэн" стадионида бўлиб ўтди.

УЕФА матбуот хизмати хабарига кўра, бельгияликлар ушбу турнирда илк бор ўз майдонида мағлуб бўлишди.

Аввалроқ Бельгия Миллатлар лигасида ўз уйида 5 та уйин ўтказган ва барчасида ғалаба қозонган: Дания (4:2), Англия (2:0), Исландия (5:1 ва 2:0) ва Швейцария (2:1).

Кейинги ўйинда улар Польша билан тўқнаш келади. Ўйин 8 июнь куни бўлиб ўтади.