"Интер" ҳимоячилари Дензел Дюмфрис ва Стефан де Врей ёзги мавсумда жамоани тарк этишлари мумкин. Corriere dello Sport маълумотларига кўра, "нерадзурри" бош мураббийи молиявий муаммоларни ҳал қилиш учун раҳбариятга ушбу футболчилар билан хайрлашишни таклиф қилмоқда.
Манбага кўра, Индзагининг фикрича, де Врей ва Дюмфриснинг кетиши жамоа учун ҳужумчи Лаутаро Мартинес ва раҳбарият дастлаб сотишни режалаштирган ҳимоячи Алессандро Бастонининг кетишидан кўра камроқ оғриқли бўлади.
Мураббий, шунингдек, ярим ҳимоячилар Марсело Брозович, Николо Барелла ва Милан Шкринярни ҳам ўз жамоасида олиб қолмоқчи.
