Франциянинг “ПСЖ” клуби “Рома” бош мураббийи Жозе Моуриньони Маурисио Почеттино истеъфога чиқарилганидан кейин ўз жамоасига таклиф қилиши мумкин. Бу ҳақда The Telegraph нашри хабар бермоқда.

Олдинроқ парижликлар аргентиналик мутахассисни яқин вақт ичида истеъфога чиқариши мумкинлиги ҳақида хабар берилганди.

Почеттинонинг "ПСЖ" билан шартномаси кейинги мавсум охирида якунига етади. Франция клуби ўтган мавсум якунида мамлакат чемпионига айланди.

59 ёшли Моуриньо Италия клубини 2021 йилнинг ёзидан буён бошқариб келмоқда. Унинг қўл остида "Рома" 2021/2022 йилги мавсумда Италия чемпионати турнир жадвалида олтинчи ўринни эгаллади ва Конференция лигасида ғолиб чиқди. Моуриньо ва “Рома” ўртасидаги келишув 2024 йилда якунига етади.