"Брентфорд" ярим ҳимоячиси Кристиан Эриксен "Манчестер Юнайтед"га ўтиши мумкин, деб хабар беради Mirror.
Манбага кўра, манкунианликлар бош мураббийи Эрик тен Хагнинг шахсан ўзи даниялик футболчининг ўйини ва профессионаллигидан қойил қолган. Нидерландиялик мутахассисга Эриксеннинг юрак муаммолари туфайли реабилитация даврида "Брентфорд"га ўтишдан олдин "Аякс"да машғулот ўтказган муносабати ва истаги ёқди.
Эриксен қишки трансфер ойнасида "Брентфорд" жамоасига қўшилди ва яна бир йилга узайтириш имконияти билан мавсум охиригача шартнома имзолади. Янги жамоаси учун 11 ўйинда ярим ҳимоячи 1 та гол урди ва 3 та голли узатмани амалга оширди.
Transfermarkt маълумотларига кўра, 30 ёшли ярим ҳимоячининг ҳозирги нархи 15 миллион еврони ташкил қилади.
