Аргентина терма жамоаси Эстонияга қарши ўртоқлик учрашувини ўтказиб, 5:0 ҳисобида ғалаба қозонди. Голларнинг барчаси Лионель Месси ҳисобига ёзилди.

Шу тариқа, "ПСЖ" форварди миллий жамоа сафидаги голлари сонини 86тага етказиб олди. Мазкур кўрсаткич бўйича у Ференц Пушкашни ортда қолдириб, терма жамоадаги голлари сони бўйича жаҳон рейтингида 4-ўринга кўтарилиб олди.

Ушб рейтингни Криштиану Роналду бошқаряпти. У Швейцарияга қарши ўйинда "дубл"га эришди ва ўз голарини 117тага етказиб олди. Месси яна 4та гол урса, жадвалда 3-ўринга чиқиб олади.

Терма жамоаларнинг энг яхши тўпурарлари:

1. Криштиану Роналду (Португалия) – 117 гол (188 ўйинда)
2. Али Даеи (Иран) – 109 гол (148 ўйинда)
3. Мухтор Дахари (Малайзия) – 89 гол (142 ўйинда)
4. Лионель Месси (Аргентина) – 86 гол (162 ўйинда)
5. Ференц Пушкаш (Венгрия) – 84 гол (89 ўйинда)