"Монца" "Милан" ҳужумчиси Златан Ибраҳимовичга қизиқиш билдирмоқда, деб хабар беради Calciomercato. А Серияга янги қўшилган жамоа таниқли футболчилар билан таркибини кучайтиришни режалаштирмоқда.
Манбага кўра, "Монца" ёзда 40 ёшли футболчини ўз сафига қўшиб олишга ҳаракат қилади.
Агар швед футболчиси "Милан" билан шартномани узайтирмаса, трансфер амалга ошиши мумкин. Маълумот учун, футболчи жароҳати туфайли 7-8 ой давомида майдонга туша олмайди.
Ибраҳимовичнинг “россонерилар” билан шартномаси шу ой якунига етади. Яқин орада томонлар келишувни бир йилга узайтириш бўйича музокаралар олиб боришмоқчи.
