"Манчестер Юнайтед" дарвозабони Дин Хендерсон "Ньюкасл"га ўтмайди, деб хабар беради The Telegraph.
Манбага кўра, 25 ёшли англиялик футболчига "Ньюкасл" ёқади, бироқ клуб раҳбарияти дарвозабонни қўлга киритиш учун ҳеч қандай ҳаракат қилмаган.
"Қарғалар" бош мураббийи Эдди Хау клубга марказий ҳимоячи ва ҳужумкор ўйинчиларни сотиб олишни хоҳлайди.
Хердерсон ўтган мавсумда "Манчестер Юнайтед" сафида барча мусобақаларда бешта ўйинда майдонга тушиб, 7та гол ўтказиб юборган.
Дарвозабоннинг клуб билан шартномаси 2025 йилнинг 30 июнига қадар амал қилади.













