“Қўқон-1912” футбол клуби Ягона таъсисчисининг 2022-йил 30-майдаги қарорига мувофиқ Айрапетов Григорий Викторович футбол клуби президенти этиб тайинланди. Мутахассис бунгача Ўзбекистон футбол ассоциациясида ишлаб келаётганди.
2012-йилдан буён “Қўқон-1912” футбол клубининг раҳбарлик лавозимида, шу жумладан, клуб президенти лавозимида ишлаган Толипов Бахтиёр Одилович аввалроқ нафақага чиққан бўлиб, унинг ўрнида кейинчалик бир муддат Усманов Асқар Каримович футбол клуби президенти лавозимида фаолият юритди.
Ўзбекистон Профессионал футбол лигаси Айрапетовга янги иш жойида омад ҳамда муваффақият тилайди.
