"Манчестер Сити" "Арсенал" ярим ҳимоячиси Букайо Сакани ўз сафига қўшиб олмоқчи, дея хабар беради The Daily Mail.
Манбага кўра, 20 ёшли футболчига "Ливерпуль" қизиқиш билдирмоқда. "Арсенал" футболчини камида 70 миллион фунтга сотишга тайёр.
Лондон клуби ярим ҳимоячи билан янги узоқ муддатли шартнома борасида ҳали келиша олмаяпти. Биринчи музокаралар мавсум охирида бошланди, бироқ уларнинг курсига “Арсенал”нинг Чемпионлар лигасида қатнаша олмагани таъсир қилди.
Англиялик футболчининг Лондон клуби билан амалдаги шартномаси 2024 йилнинг ёзида якунига этади.
Сака ўтган мавсумда "Арсенал" сафида барча турнирларда 43 та ўйинда майдонга тушиб, 12 та гол урди ва 7 та голга ассистентлик қилди.
