Юртимизда бўлиб ўтаётган 23 ёшгача бўлган футболчилар ўртасидаги Осиё чемпионати "B" гуруҳида 3-тур ўйинлари ҳозиргина якунланди. Натижада Ўзбекистоннинг чорак финалдаги рақиби аниқ бўлди.
Сўнгги турда Австралия пенальтидан урилган ягона гол эвазига Иорданияни мағлуб этди ва ўз очколарини 7тага етказган ҳолда гуруҳ ғолибига айланди. Бу жамоа "А" гуруҳида 2-ўринни эгаллаган жамоа билан чорак финалда тўқнаш келади.
Ироқ эса бугун Кувайтга қарши майдонга чиқиб, иродали ғалабага эришди. Кувайтликлар 12-дақиқада Юсуф ар-Рашидийнинг голи эвазига ҳисобни очишганди. 28-дақиқада эса ушбу футболчининг ўзи пенальтини голга айлантира олмади. Шундан сўнг ташаббус ироқликлар томонига ўтди. Улар танаффусга қадар ҳисобни тенглаштиришган бўлса, иккинчи бўлимда яна 2та гол уриб, 3:1 ҳисобида ғалаба қозонишди.
Натижада Ироқ U23 жамоаси 5 очко билан "B" гуруҳида 2-ўринни эгаллади ва чорак финалда Ўзбекистонга қарши майдонга чиқади. Чорак финал баҳси 11 июнь куни "Пахтакор" стадионида бўлиб ўтади.
U23 Осиё кубоги. "B" гуруҳи, 3-тур
АВСТРАЛИЯ - ИОРДАНИЯ - 1:0
Гол: Рами Нажжарайн (61-пенальти)
Четлатиш: Тристан Хаммуд (79, Австралия)
ИРОҚ - КУВАЙТ - 3:1
Голлар: Мунтазир Муҳаммад (35), Моомал Оғалий (59), Муҳаммад ал-Бақр (82) — Юсуф ар-Рашидий (12)
Ноаниқ пенальти: Юсуф ар-Рашидий (28)
| № | Жамоа | Ўйин | Ғалаба | Дуранг | Мағ-ят | Т-Н | Очко | |
|---|---|---|---|---|---|---|---|---|
| 1 |  |
Австралия | 3 | 2 | 1 | 0 | 4-1 | 7 |
| 2 |  |
Ироқ | 3 | 1 | 2 | 0 | 5-3 | 5 |
| 3 |  |
Иордания | 3 | 1 | 1 | 1 | 2-2 | 4 |
| 4 |  |
Кувайт | 3 | 0 | 0 | 3 | 1-6 | 0 |
