Yurtimizda bo‘lib o‘tayotgan 23 yoshgacha bo‘lgan futbolchilar o‘rtasidagi Osiyo chempionati "B" guruhida 3-tur o‘yinlari hozirgina yakunlandi. Natijada O‘zbekistonning chorak finaldagi raqibi aniq bo‘ldi.
So‘nggi turda Avstraliya penaltidan urilgan yagona gol evaziga Iordaniyani mag‘lub etdi va o‘z ochkolarini 7taga yetkazgan holda guruh g‘olibiga aylandi. Bu jamoa "A" guruhida 2-o‘rinni egallagan jamoa bilan chorak finalda to‘qnash keladi.
Iroq esa bugun Kuvaytga qarshi maydonga chiqib, irodali g‘alabaga erishdi. Kuvaytliklar 12-daqiqada Yusuf ar-Rashidiyning goli evaziga hisobni ochishgandi. 28-daqiqada esa ushbu futbolchining o‘zi penaltini golga aylantira olmadi. Shundan so‘ng tashabbus iroqliklar tomoniga o‘tdi. Ular tanaffusga qadar hisobni tenglashtirishgan bo‘lsa, ikkinchi bo‘limda yana 2ta gol urib, 3:1 hisobida g‘alaba qozonishdi.
Natijada Iroq U23 jamoasi 5 ochko bilan "B" guruhida 2-o‘rinni egalladi va chorak finalda O‘zbekistonga qarshi maydonga chiqadi. Chorak final bahsi 11 iyun kuni "Paxtakor" stadionida bo‘lib o‘tadi.
U23 Osiyo kubogi. "B" guruhi, 3-tur
AVSTRALIYA - IORDANIYA - 1:0
Gol: Rami Najjarayn (61-penalti)
Chetlatish: Tristan Xammud (79, Avstraliya)
IROQ - KUVAYT - 3:1
Gollar: Muntazir Muhammad (35), Moomal Og‘aliy (59), Muhammad al-Baqr (82) — Yusuf ar-Rashidiy (12)
Noaniq penalti: Yusuf ar-Rashidiy (28)
| № | Jamoa | O‘yin | G‘alaba | Durang | Mag‘-yat | T-N | Ochko | |
|---|---|---|---|---|---|---|---|---|
| 1 |  |
Avstraliya | 3 | 2 | 1 | 0 | 4-1 | 7 |
| 2 |  |
Iroq | 3 | 1 | 2 | 0 | 5-3 | 5 |
| 3 |  |
Iordaniya | 3 | 1 | 1 | 1 | 2-2 | 4 |
| 4 |  |
Kuvayt | 3 | 0 | 0 | 3 | 1-6 | 0 |
