"Милан" "Лилль" ярим ҳимоячиси Ренату Саншеш трансферини тезроқ якунламоқчи, деб хабар беради L'Equipe. Айни дамда музокаралар давом этмоқда.

Ушбу трансфер ойнасида ярим ҳимоя чизиғини кучайтириш учун Саншеш "Милан"нинг устувор вазифасидир. "Бавария"нинг собиқ футболчиси Стефано Пиоли жамоасига тахминан 35 миллион еврога тушиши мумкин.

24 ёшли португалияликнинг франтсуз клуби билан шартномаси 2023 йилнинг ёзига қадар мўлжалланган.

Якунланган мавсумда Ренату клуб сафида барча мусобақаларда 32 та ўйинда майдонга тушиб, 2 та гол урди ва 5 та голли узатмани амалга оширди.