"Наполи" клуби ҳужумчи Дрис Мертенснинг йилига 4 миллион евро маош талабини рад этди, деб хабар беради La Gazette Dello Sport.

Манба берган хабарга кўра, 35 ёшли бельгиялик футболчининг вакиллари унинг хизматларини бир қанча клубларга, жумладан, "Рома"га ҳам таклиф қилишган.

Қайд этилишича, Рим клубига ўтиш учун ҳужумчи маош талабини 3,5 миллион еврогача камайтириши керак.

Шу билан бирга, "Рома" раҳбарияти Мертенснинг ёши ва иқтисодий шароитини ҳисобга олган ҳолда унинг трансфери вариантини кўриб чиқади.

Мертенс ўтган мавсумда “Наполи” сафида барча турнирлар доирасида 37 та ўйинда майдонга тушиб, 13 та гол урди ва 2 та голли узатмани амалга оширди. Ҳужумчининг неаполликлар клуби билан шартномаси 2022 йилнинг 30 июнига қадар амал қилади.