Германиянинг “Transfermarkt” портали Италия А Сериясида тўп сурувчи футболчиларнинг янгиланган трансфер нархларини маълум қилди.

Унга кўра, Римнинг “Рома” клуби сафида тўп сурувчи ўзбекистонлик ҳужумчи — Элдор Шомуродовнинг трансфер суммаси 8 миллион еврони ташкил этди. Ушбу сумма унинг аввалги трансфер нархидан 2 миллион еврога кам ҳисобланади.

Ҳужумчи Рим клубига ўтган йили 14 миллион евро эвазига кўчиб ўтган ва портал шундан сўнг унинг тахминий нархини 10 миллионга кўтарган эди. Мавсум якунларига кўра эса, портал асосан захирада ўтирган футболчининг трансфер суммасини 2 миллион еврога камайтирди.

Маълумот учун, Шомуродов ўтган мавсум “Рома” таркибида А Серия доирасидаги 28 та ўйинда майдонга тушиб, 3 та гол ва 4 та ассист қайд этди. Унинг клуб билан шартномаси 2026-йилнинг 30-июнига қадар мўлжалланган. Ўтган мавсумда у клуби билан Европа Конференциялар Лигасининг илк чемпионига айланган.