Мадриднинг "Реал" клуби бош мураббийи Жозе Моуриньо, жамоанинг спорт директори лавозимида ўз ҳамюрти Луиш Фигуни кўришни истамоқда.
Португалиялик мураббий бу ҳақда жамоа раҳбариятини ҳам огоҳлантирган, дейди goal.com нашри.
Моуриньо "Қироллик клуби"да ўзи билан бир пайтлар бирга ишлаган ва тўлиқ ишонадиган инсонлар билан ишлашни хоҳлаётганини айтмоқда. Луиш Фигу эса Моуриньога "Интер"да ёрдамчлик қилган эди.
Айни пайтда "Реал"нинг спорт директори лавозимини эгаллаб турган Зинедин Зидан билан Моуриньо кўплаб масалаларда бир-бирлари билан келиша олмаяпти. Моуриньо эса, клуб президенти Флорентино Пересга спорт директори лавозимига Луиш Фигунинг номзодини кўрсатишни мақсад қилган.
Маълумотларга кўра, агарда Фигу Мадридга ташриф буюрадиган бўлса, "Реал" спорт директори Зинедин Зидан ёки жамоат билан ишлаш бўлими директори Эмилио Бутрагеньолардан бири ўз лавозимидан айрилиши мумкин.
