Кувайт терма жамоаси бош мураббийи Фонсека Гильерос Осиё чемпионатидаги дастлабки ўйинда Ўзбекистонни 2 очкодан маҳрум қила олганидан хурсандлигини яширмади.
«Мен шогирдларим билан фахрланаман ва бугунги ўйин учун уларга миннатдорчилик билдираман», - дейди Гильерос ўйиндан кейинги матбуот-анжуманида. - «Биз Осиё чемпионатига тайёргарлик давомида катта ҳажмдаги ишни амалга оширдик. Энди биз чорак финалга чиқиш имкониятини сақлаб қолдик. Бундан аввал ҳам таъкидлаб ўтганим каби биз ўз рақибларимиз билан курашишга тайёрмиз».
