Муҳаммад Салоҳ Англия профессионал футболчилар ассоциацияси (PFA) томонидан Премьер-лиганинг энг яхши футболчиси деб топилди.
"Ливерпуль" вингери ўтган мавсумда Сон Хён Мин билан биргаликда 35 ўйинда 23 гол уриб, чемпионат тўпурари унвонини бўлишиб олди.
Мисрлик футболчи бу совринни фаолиятида иккинчи марта олди. У 2017/18 йилги мавсумда илк бор муваффақиятга эришганди.
"Манчестер Сити" ярим ҳимоячиси Филипп Фоден мавсумнинг энг яхши ёш футболчиси совринини қўлга киритди.
22 ёшли ярим ҳимоячи "шаҳарликлар" билан Премьер-лига чемпионлигини қўлга киритди ва Премер-лиганинг 28 учрашувида 9 та гол урди.