Рис Жеймс ёзда "Челси"ни тарк этиши мумкин.
Лондон клуби 22 ёшли ҳимоячи билан янги шартнома борасида ҳали музокараларни бошламаган.
“Кўклар” раҳбарияти ҳозирча бунга эҳтиёж сезмаяпти, чунки англияликнинг амалдаги шартномаси яна уч йилга мўлжалланган. Футболчи Лондонда ҳафтасига 70 минг фунт маош олади.
Daily Mail хабарига кўра, "Реал" ва "Манчестер Сити" Жеймс учун расмий таклиф билан чиқишга тайёр.
"Шаҳарликлар" уни Кайл Уокернинг ўринбосари сифатида кўрмоқда.
"Реал Мадрид" ҳам сўнгги ҳафталарда "Челси" ҳимоячисига қизиқишни кучайтирди ва унинг ҳолатини диққат билан кузатиб бормоқда.