"Манчестер Сити"нинг украиналик ҳимоячиси Александр Зинченко клубини ўзгартиришга тайёр, дея хабар беради 90min.
Манбага кўра, футболчи "шаҳарликлар" сафида ўйнашни яхши кўради, бироқ у кўпроқ ўйин амалиётига эга бўлишни хоҳлайди. Аввалроқ украиналик футболчига "Арсенал" ва "Вест Хэм" клублари қизиқиш билдираётгани хабар қилинганди.
25 ёшли Зинченко ўтган мавсумда "Манчестер Сити" сафида барча турнирларда 28 та ўйинда майдонга тушиб, 5 та гол ва 5 та голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.