Португалия терма жамоаси ҳужумчиси Криштиану Роналду Миллатлар лигасининг 3-туридан ўрин олган Чехияга қарши ўйиндаги ғалабадан сўнг ўз саҳифасиба пост қолдирди. Учрашув Лиссабондаги “Хосе Альваладе” стадионида бўлиб ўтди ва мезбонларнинг 2:0 ҳисобидаги ғалабаси билан якунланди.
“Катта ғалаба! Биз хоҳлаган жойдамиз ва бу ерда бўлишга лойиқмиз. Қўллаб-қувватлаганингиз учун барчангизга раҳмат", - деб ёзди Роналду.
Бунгача Португалия терма жамоаси Швейцарияни мағлуб этган (4:0), Испания билан дуранг ўйнаганди (1:1). Кейинги турда Португалия терма жамоаси Швейцария билан баҳс олиб боради. Ўйин 12 июнь куни бўлиб ўтади.
