"Бавария" спорт директори Ҳасан Салиҳамиджич клуб "Аякс" ярим ҳимоячиси Райан Гравенберх билан шартнома имзолаганини маълум қилди.
"Райан шартнома имзолади. Биз келишувни якунладик ва бундан жуда хурсандмиз. У Европадаги энг катта истеъдод соҳибларидан бири - ҳамма уни ўз сафида кўришни хоҳлайди", - дея Салиҳамиджичнинг сўзларини келтиради Bild.
Немис нашри хабарига кўра, 20 ёшли нидерланднинг трансфери "Бавария"га 18 миллион еврога тушади, келишув 5,5 миллион евро миқдоридаги эҳтимолий бонус тўловларини ҳам ўз ичига олади.
2021/22 йилги мавсумда Гравенберх “Аякс” таркибида 42 та ўйинда майдонга тушиб, 3 та гол урди ва 6 та голли узатмани амалга оширди. Transfermarkt.com портали футболчини 35 миллион еврога баҳоламоқда.