"Ньюкасл" "Рома" қанот ҳужумчиси Николо Дзаньоло учун "Ювентус" ва "Милан" билан курашмоқчи.

Sky Italia хабар беришича, Дзаньолонинг "Рома" билан шартномаси 2024 йилнинг ёзига қадар мўлжалланган ва уни узайтириш бўйича музокаралар ҳалигача давом этмаяпти.

Шу муносабат билан 22 ёшли италиялик яқин вақт ичида клубини ўзгартиришга қарор қилиши мумкин, гарчи унга ҳеч қандай расмий таклиф тушмаган бўлса ҳам.

Аввалроқ "Рома" "Милан"нинг вингер бўйича 25 миллион евролик биринчи таклифини рад этгани ҳақида хабар берилганди.

Ярим ҳимоячи ўтган мавсумда римликлар сафида барча турнирлар доирасида 42 та ўйинда майдонга тушиб, 8 та гол урди ва 9 та голли узатмани амалга оширди.